सहयोगी हातहरु जुटाउदै नास्क

नेपाल अमेरीका सोसाइटी अफ केन्टुकी (नास्क )ले नेपालको बाढी पहिरो पीडितका लागि सहयोगको अपील गरेको छ । उसले आफ्ना सदस्यशुभचिन्तकहरुलाइ३० डलर भन्दा कम नहुने गरी आगामी आइतबारसम्म सहयोग जम्मा गर्न आह्वान गरेको हो । नेपालको बिशेषगरी तराइ क्षेत्रमा हालै आएको बिनासकारी बाढी र पहाडी क्षेत्रमा गएको पहिरोले ९१ जनाको ज्यान लिइसकेको छ । कयौ घरबारविहिन बनेका छन । सरकारी अधिकारीहरुले बाढीपहिरोबाट भएको धनजनको क्षतिको पूर्ण बिवरण अझै आइनसकेको बताएका छन ।
अमेरीकाको केन्टुकीमा बसोबास गर्ने नेपालीहरुको साझा संस्था नास्कले यसअघिको महाभूकम्पमा पनि पीडितलाई सहयोग गरेको थियो । नास्कका अनुसार यसपाली जम्मा भएको सहयोग रकम धुर्मुस सुन्तली पाउण्डेसन मार्फत पीडित परिवारसम्म पुर्याइने छ । नास्कले यस क्षेत्रका नेपालीहरुलाइ विपतमा समेत सहयोग गर्दै आएको छ । नास्कका सदस्य विपिन प्रसाइका अनुसार सहयोग रकम नेपाल अमेरीका सोसाइटीको बैक खाता नम्वर ०८३३०००१०८ \ ३०१०२२०७२१ मा सोझै जम्मा गर्न सकिनेछ । उनले यस क्षेत्रका नेपालीहरुले बिगतमा पनि देश र समाजलाइ परेको विपतमा दिल खोलेर सहयोग गर्ने गरेकाले यस पटक पनि उल्लेख्य सहयोग संकलन हुनेमा विश्वास ब्यक्त गरे । उनका अनुसार सहयोग जम्मा हुने क्रम सुरु भइसकेको छ ।  केनेपालका लागि बिष्णु कार्की केन्टुकी लुइभील