हेल्लो ! टेक्सास सन्चै हो ?

धेरै नेपालीहरु बसोबास गर्ने अमेरीकाको  टेक्सास राज्यमा तुफानले ठूलो क्षति पुर्याएको छ । २ सय १५ किलोमिटर प्रतिघण्टाको तेज रफ्तारमा चलेको तुफानले टेक्सासको बिशेषगरी रकपोर्ट शहरलाई नराम्ररी प्रभाव पारेको छ । त्यहा कयौ घरहरुमा क्षति पुगेको छ ।  तुफानले कयौ साना विमानहरु पनि नष्ट पारेको छ । तुफानबाट कपर्स क्रिस्टी शहरका वासिन्दाले विजुली कटौतीको सामना गर्नुपरेको छ । त्यहाका धेरै वासिन्दा शहर छाडेर सुरक्षित स्थल तर्फ लागेका थिए । उक्त तुफानलाई हार्वी नाम दिइएको छ । तुफानको असर अहिले कम भएको समाचारहरुमा जनाइएको छ । बिशेषगरी टेक्सासको  तटीय क्षेत्रहरु तुफानबाट प्रभावित भएका थिए । भौतिक संरचनामा क्षति पुगेपनि मानवीय क्षतिको विवरण दिइएको छैन । समाचार एजेन्सीहरुको साथ केनेपाल न्यूज/  तस्वीर एएफपी