यस्तीछिन सेरेना विलियम्सकी छोरी

टेनिस स्टार सेरेना विलियम्सले भर्खरै जन्मिएकी आफ्नी छोरीको फोटो सार्वजनिक गरेकी छिन । उनले मायालु तरिकाले आफ्नी छोरीको नाम समेत खुलाएकीछिन् । सेरेनाले सेप्टेम्बर एकमा छोरी जन्माएकी थिइन । छोरी जन्मने वित्तिकै सेरेना र उनको पति एलेक्सिस ओहानियाले इंन्सटग्राम र एक भिडियो मार्फत पनि नवजात शिशुलाई सार्वजनिक गरेका थिए ।
सेरेनाले इंन्सटग्राममा छोरीको फोटो सार्वजनिक गर्दै लेखेकी छिन, 'एलेक्सिस ओलम्पिया ओहानियनलाई हेर्नुस ।' फोटोमा सेरेना र ओलम्पिया मस्त निन्द्रामा देख्न सकिन्छ । तस्वीरमा उनका कयौ फ्यानहरुले स्नेहले भरिएका प्रतिकृया दिएका छन् । अहिलेसम्म ८९४,३३६ जनाले उक्त पोष्ट लाइक गरेका छन् । २३ ग्रेडस्लेम जितेर उनले इतिहासमा आफ्नो नाम लेखाइसकेकी छिन् । तर गर्भवती अवस्थामा सन् २०१७ को जनवरीमा अस्टेलियन ओपनमा भाग लिएर तथा ग्रेड स्लेम जितेर सबैलाई चकित पारेकी थिइन । बीबीसी न्यूजका साथ केनेपाल