११ दिन २५ मिनेट ननिदाइकनै यसरी रेकर्ड बनाए अमेरीकी युवाहरुले

एक जना मान्छे ननिदाइ कति दिन वा समय बस्न सक्छ  ?अहिलेसम्म् अमेरीकाका दुइ बिद्यार्थीले बैज्ञानिक प्रयोगको लागि तथा नयां रेकर्ड बनाउन ११ दिन २५ मिनेट नसुतेर विताएका छन् । तर बैज्ञानिक प्रयोगको क्रममा एक रसायनका साथ जगाइएको विरालो भने १५ दिन सम्म् निदाउन नपाएपछि मरेको थियो ।
रेंडी गार्डनर र ब्रुस मेकएलिस्टरले ११ दिन २५ मिनेटसम्म ननिदाएर रेकर्ड बनाएका थिए । ६० को दशकमा बैज्ञानिकहरुले मान्छे ननिदाइकन कति समयसम्म् बस्न सक्छ भने अनुसन्धान गरिरहेका थिए भने १७ बर्षीय रेंडी होनोलुलु का एक डिजेले बनाएको ११ दिनसम्म् ननिदाएको रेकर्ड तोडन चाहन्थे ।
युवाहरुको उक्त कार्यको अनुसन्धान गरिरहेका बैज्ञानिक विलियम डीमेंटले ननिदाइ रात काट्न मुश्किल परेको अनुभव सुनाए । हाल क्यालिफोर्नियको स्टेनफोर्ड युनिभर्सिटीमा प्रोफेसर रहेका डिमेंटले भने, उनीहरु दिनभर बास्केटबल खेल्थे तर रात काट्न उनीहरुलाई सिमति सामाग्री प्रदान गरिएको थियो ।
उक्त अवधिमा ति युवाहरुलाई फरक फरक स्वाद चखाएर तथा गन्ध सुंघाएर बैज्ञानिकहरुले परीक्षण गरेका थिए । सो क्रममा ननिदाएका युवाहरुको ज्ञान क्षमता क्रमस कमजोर हुदै गएको पाइएको तर बास्केटबल खेल्ने क्षमता भने बढेर गएको पाइएको थियो ।
११ दिन २५ घण्टाको रेकर्ड पूरा गरेपछि रेंडी लगातार १४ घण्टासम्म् निदाएको र वाथरुम जानुपर्ने भएपछि मात्र उनी ब्युझिएका थिए । सुरुमा कुनै समस्या नभएपनि पछि ति युवालाई निन्द्रा नलाग्ने समस्या देखिएको थियो ।
बीबीसी न्यूजको सहयोगमा केनेपाल न्यूज केन्टकी/तस्वीर सांकेतिक मात्र हो यसको समाचारसंग समन्ध छैन ।